Nueva poesía

Esos cuerpos qu'entovía se quieren
pola memoria tienra de lo que fueren
y yá nun son.

Esos cuerpos qu'el tiempu asobayó, pero que guarden
remembranza d'aquellos otros mismos cuerpos onde la piel, la carne
y el deséu brillaben
y llixeros blincaben.

Esos cuerpos qu'entovía se quieren,
porque alluguen la tienra señardá de lo qu'amamos,
de lo que nellos fuimos
y yá tampoco nós nun somos.