Como yá saben los llectores d'esti blog, a cada triqui-traque doi noticies de los retrasos n'autovía del Cantábricu nel tramu asturianu, una obra que lleva yá venti años pa facese y cincuenta dende que se concibiera (allá polos sesenta, Pachu regnante).
Paralelamente, vo señalando tamién cómo les obres de l'autovía en Galicia cuerren qu'esmechen (eses sí que van a tres turnos, como inxamás, por ciertu, fueren les del ministru Cascos) y cómo recuperaren en dos años l'atrasu de diez. Pues bien, fai mui pocu tiempu (viéspera d'elecciones) equí anduvieren responsables de Fomentu (esto ye, de Zapatero, o sea, de Blanco, esto ye, de Javier Fernández, como quien diz, del PSOE), anunciando que los dos tramos anunciaos pa principios del añu que vien diben retrasase otros "mesucos".
Pues perbién, yá saben que caún tien lo que quier tener, esto ye, lo que se merez.
¿Que se ríen de nós? ¿Y por qué nun diben facelo, si toles señales que damos ye de que nos presta?
No hay comentarios:
Publicar un comentario