El miércoles 27, arrodiáu d'amigos y simpatizantes, presenté l'últimu llibru de mio, "Hacia otra Asturies". Fue en Xixón, nel antigu conventu de les Madres Reparadores, lluegu cuartel de la Guardia d'Asaltu, lluegu de la Policía Armada (los "grises"), lluegu de la Policía Nacional, güei Escuela d'Hostelería.
Presentómelu José Antonio Fidalgo Sánchez, publicista, profesor y gran amigu, que fexo una magnífica intervención que vo asoleyar equí ún d'estos díes.
Pesie a la competencia del Madrid-Barça, el salón tuvo casi enllenu.
A los concurrentes, talo como se-yos prometiera, regalóse-yos un exemplar de Hacia otra Asturies. Supongo que'l mio discursu (breve) tendrá prestao muncho e illustrao daqué al illustre públicu.
Por cierto que, a propósitu del llugar, recité un canciu que, a la creación de la Guardia d'Asaltu (Machado sorrayaba l'osímoron, creo que nel so Juan de Mairena) cantaben les ñeñes de toa España:
Mamá, yo quiero ser / guardia de asalto, / porque se come bien y no trabajo. / Sesenta duros dan / y una pistola, / y un tolete de goma, / que estira y toma.
Pues nada, a disfrutar de los dos, la copla y el llibru.
¡Y gracies a los asistentes!
No hay comentarios:
Publicar un comentario