Por fin se atreve un gobierno: Los clubes de fútbol podrán ser expulsados de la Liga si no pagan sus deudas con Hacienda

Equí, nesti blog, llevamos yá tiempu protestando y quexándonos: nun hai derechu y nun había derechu a que los clubes de fútbol tuviesen deldes cola Axencia Tributaria y cola Seguridá Social. Ye más, munchos tán en quiebra y otros oculten dalgunos ingresos de los sos xugadores.

Ello, sobre ser una inxusticia y un espoliu al dineru de toos, ye una ufiensa pa tantos miles d'empresarios que tán obligaos a pesllar por nun poder pagar les deldes, pa tantos miles de persones o families que pierden la casa por nun poder pagar la hipoteca.

Un aplausu pal PP que s'atreve a meter mano nesti caxellu d'aviéspores. La quexa ye que'l plazu que-yos da pa ponese al día (ocho años) ye escesivu. Y, per otru llau, a ver si lo cumple o si'l siguiente sigue con ello.

Pa más información, pinchar equí: "Los clubes de fútbol podrán ser expulsados de la Liga si no pagan sus deudas con Hacienda"