Una vegada más, los datos del paru son mui bonos. Yá sé que-yos van poner les pegues de siempre cola cantinela de siempre.
Pero nun hai que recordar más qu'estos datos: nel añu 2007 algamóse'l másimu d'empléu d'España de tolos tiempos: 20.717.000 persones con empléu. Pues bien, nesos años, col boom de la construcción y del endeudamientu, había 2.000.000 de paraos (1.942.000, pa ser precisos). De mou y manera qu'esa cifra de 2.000.000 de paraos rexistraos pue considerase como'l paru estructural declaráu (la economía somorguiada tien ensin dulda un númeru altu de "empleaos") d'España. Esi, polo tanto, paez l'oxetivu de recuperación d'empléu.
Y agora, los titulares:
La campaña de veranu entama cola cifra de paru asturiana más baxa en siete años.
El númeru d'empleaos algama los 18.400.000, el de paraos, baxa a 3.362.811. Nos caberos 12 meses el paru redúxose en 404.243 persones, lo que supón la mayor disminución anual en xunu de tola serie histórica.
Recuperárense yá 2.282.360 empleos de los que s'esaniciaron nos años de la crisis, esto ye, un 68,2% de los que se perdieren.
No hay comentarios:
Publicar un comentario