¡Si creéis que ye nuevo...!

Eso de la seca, primero, y de les inudaciones dempués.

Equí tenéis un fragmentu del Viaxe del Tíu Pacho a Uviéu , una novelina d'Enriqueta Rubí (la primer novela n'asturianu) de la penúltima década  (1875) del XIX.     

[Sobre la seca y la razón de que nun llovia masque se saquen los santos en procesión: supón una conversación na que San Pedro, enfadáu con España polos informes engafentaos d’un santu republicanu, fala con Dios] 

y cuando los patrones de los llugares van pidir al Señor agua para el maíz […] «Señor, non jaga casu, bastante güeno lo tienen pa lo que ellos merecen […] En España nun saben abrir la boca mas que pa pidir. ¡Sima Dios! paez que ios jezo la boca un flaire, que nunca están contentos. Non se acuerda, Señor, que va seis años que ‘stán pidiendo, sin parar una migaya? Qué diaños quieren agora l’agua? E por tener que pidir, que mas pigañones non los hay en Uropa.                    Pidiéren revolución, diémosiosla; quixeren regencia, allá ios júi; dixeren que non podíen vivir sin rey, unviamos pa’lla á Don Amadeo; golvieren dicir dempués que querían república y diximos amen; cansaren con ella, y dempues de jacer una posa en aquello que i llaman ditadura, que el diañu la lleve, golvieren pedinos un rey! Y por fin y cabu que lu topamos, agora piden agua.                    Y apuesto, Señor, que piensan que non tenemos otra cosa en qué pensar mas que en jaceios favores.

Esto correspuende a la primer parte, la qu'estuvimos rogando/quexándonos pola seca y porque los pantanos taben vacios. Dempués, acumulaes tantes rogatives, quexes y llárimes, vinieren les inundaciones y los meses onde s'atroparen ñubes y lloviu hasta afoganos.