Agradecimientu poles felicitaciones del cumpleaños

Gracies poles felicitaciones. Hasta hai media hora tuve agradeciendo personalmente toles felicitaciones que me mandasteis periquí, como contesté les que m'unviaren per otros medios. Repito l'agradecimientu, y quiero disculpame si dalguna, ente tantos cientos y per medios variaos, se me pasara per alto y nun la contestara. Además facebook túvome castigáu daqué tiempu, ensin dulda pol usu reiterativu y continuáu. Si vos paez vo facelo agora con esti fragmentu inicial del poema "Manudamente daisme'l vuestru tiempu", del mio llibru De reidores costes: Manudamente daisme'l vuestru tiempu, la presencia de vós, la palabra y la voz, la mano, el xestu. Manudamente aparáisvos a falar contra migu, asofronáis la vuestra llibertá, la inercia'l vuestru caleyar, viaxe o destín, pa ufiertame costancia de la vida: GRACIES