Mitin na Villa. Acompáñárenme nel discursu Javier López Alonso, Presidente d'URAS, y Luis Rivaya, candidatu a l'alcaldía de Villaviciosa. López Alonso fizo un bon discursu sobre dalgunes partes del nuestru programa y centróse, especialmente, nos calcos programáticos que tán faciéndonos otres fuerces polítiques.
Luis fexo una magnífica intervención, enllena d'humor, analizando lo que son les fuerces polítiques que concurren, analizando los problemes de La Villa y esponiendo soluciones, asina como aponderando al so equipu que, dígolo yo, ye magníficu.
Yo, pola mio parte, centréme en denunciar cómo dalgunes fuerces polítiques s'apropien de l'Alministración ellí onde gobiernen, en beneficiu de los prósimos y cómo semen el temor y el mieu, pa que, como nos tiempos de Franco, naide s'atreva a ser "desafectu". Llamé a buscar la llibertá y señalé cómo da esactamente quién gobierne equí o en Madrid: son toos sumisos a los suyos, callen y son incapaces de defender a los asturianos. Toos: PP, PSOE, IU. Ye más: traiciónenlos. Recordé tamién cómo Cascos yera ún d'ellos hasta que lu desemburarren hai tres meses, asina que ye difícil pensar que va ser otra cosa de lo que fue.
Pa terminar, la candidatura villaviciosina subió al escenariu.
No hay comentarios:
Publicar un comentario