Beber sidra nun ye esclusivo d'Asturies. Podemos decir que somos los que más bebemos, los que más sidre facemos y los que meyor sidre tenemos. En tou casu, nun somos los únicos y, seguramente, dende la ruptura de la tradición espichera d'abrir los toneles dempués d'una llarga temporada iverniega ensin sidre nuevo (o, a cencielles, ensin sidre), yá nun somos los meyores pa la degustación colectiva y socializada de la sidre.
Nestos díes n'Euskadi, y especialmenmte en Gipuzkoa, entama la "temporada de sidreríes", embaxu'l lema -dense cuenta de qu'hai un lema, una esologan colectivu pa la temporada- "Cuando hace txotx, ya no hay stop", claramente copiáu de les patates Pringles.
Si quieren ver cómo ye l'ambiente y los conseyos ("imprescindibles") que se-yos dan a los vascos pa si s'averen a Gipuzkoa "para brindar en las kupelas (metonimia de llagar por "tonel") con la cuadrilla", pueden picar equí, un testu d'El Correo (enantes, por cierto, "El Correo Español-El Pueblo Vasco"): ¿Cómo dir a les sidreríes y tar nelles?
1 comentario:
Saben como comercializar meyor, non como n'Asturies, anque hai delles escepciones, ¿conoz la ruta'l quesu y la sidra n'Asiegu (Cabrales)?
Inda podemos dicir que la nuestra sidra ta más bono, conozo xente euskaldún que-yos gusta más la d'equí, anque hai llagares vascos que tan meyorando lo que faen.
Por cierto, a qué vien eso de El Correo (enantes, por cierto, "El Correo Español-El Pueblo Vasco). El Correo Español nació en 1937 tando Bilbao baxo control franquista, siendo l'órganu d'espresión de la Falange. El 13 d'abril de 1938 ye obligáu a fusionase con El Pueblo Vasco, fundáu en 1910, y dende entós pasó a llamase como usté recuerda. Vamos, como La Nueva España. ("Traficantes de Información" Pascual Serrano. Ediciones Akal, 2010)
Un saludu.
Publicar un comentario