El diputado Luis Venta (PP) tacha de "capricho socialcomunista" la negativa del Gobierno a vender los salmones de los ríos asturianos.
Nun entró a valorar si tien o nun tien razón. Pero ¿qué retórica ye esa? "Capricho socialcomunista". ¡Qué bárbaro! Pero estos, ¿a quién falen?
Y, per otru llau, ayer, na Xunta del PP asturianu, doña Mercedes, refiriéndose a los presumibles atracos de Ignacio González y otros al erariu públicu, diz que son:
"sucesos no deseados"
¡Home, muyer, nomenón! Deseaos sí que fueren: deseaos, naguaos, arranaos, allampaos..., lo que quies decir ye que son "indeseables".
Defenderán el castellanu frente al asturianu, pero con esa retórica y esi dominiu de la llingua nun sé ónde van dir nin cómo queda lo que defenden.
No hay comentarios:
Publicar un comentario