Esti sábadu (01/04/17) celebróse en Les Mestes, Xixón, una nueva sesión de los Xuegos Escolares del 17, organizaos, como los de l'anterior sesión, pol Patronatu Municipal de Deportes, el Club Gijon Atletismo y dalgún llaboratoriu o asociación famacéutica, porque tener a los rapazos y a les families ellí, de 9,30 a 3,30, sometíos al fríu, al vientu y al agua, nun pue ser otro que cola intención de vender anticatarrales.
Menos mal que dellos llevaren, amás de ropa d'abrigu, daqué pa xintar y termos de café. De toes formes, la cosa fue tan allá que dalgunos (como se ve na semeya) tuvieren que pedir, a eso de les doce, una tortiella a un restaurante vecín. Tortiella qu'esñaló nun par de minutos, cola misma rapidez que, decíen, esñalaba'l diañu col xirgonazu del agua bendito.
No hay comentarios:
Publicar un comentario