L’asturianu ye la llingua más amenazada de la Península. La tresmisión xeneracional tien graves problemes. Al asturianu falta-y exemplaridá: nos medios, nos políticos, nos universitarios, nos empresarios que son falantes y siléncienlo en público.
Nesi panorama, la cooficialidá tien dos perspectives: una, el cumplimientu d’un deber constitucional (art. 3.2) y de xusticia. Dos, la gabita que pue suponer pa la so supervivencia, en cuanto exemplaridá.
Señala bien el Presidente l’Academia, como vengo sosteniendo hai décades, que la cuestión llingüística nun debe ser una seña d’identidá de facción, sinón un patrimoniu común. Probablemente dende una parte la izquierda y l’asturianismu eso nun se vio claro.
De toes maneres nun debe escaecese que, paradóxicamente (la derecha fue históricamente la cuidadora l’asturianu), una parte importante de la derecha –pero non solo– tien una postura mui hostil al asturianu y la cooficialidá. Entender les sos razones y trazar caminos d’entendimientu ye imprescindible.
No hay comentarios:
Publicar un comentario