EL PREMIU NACIONAL DE LLITERATURA NEL CUADRAXÉSIMU PRIMER DÍA DE LES LLETRES ASTURIANES
Esti 2 d’ochobre, vienres, va celebrase’l cuadraxésimu primer Día de les Lletres Asturianes (¡Yá van años!), que s’aplazara en mayu pola situación d’acorripiamientu o acorraxamientu provocada pola pandemia.
D’aquella, por tanto, nun pudo procedese a l’actu de la entrega del Premiu Nacional de Lliteratura, que nesta segunda edición, tuve la suerte que recayere na mio persona. Pues bien, xunto col nomamientu como Correspondiente de Pablo Rodriguez Medina y l’habitual discursu del Presidente l’ALLA, Xosé Antón González Riaño, va llevase a cabu l’actu aplazáu naquella fecha. Tres la imposición de la medaya del premiu, yo tamién vo char un discursu, más curtiu que los de Fidel Castro, por supuestu.
Por ciertu, con motivu d’ello asoléyase una antoloxía de lo mio obra lliteraria y filolóxica (poesía, teatru, novela, cuentu, estudios lliterarios y llingüísticos). Esta ye la semeya la so portada.
No hay comentarios:
Publicar un comentario