Hai 50 años: Autonomía y asturianu

Un migayín de memoria y por rise un poco. La memoria: El Comercio asoleya esti artículu de la segunda manifestación con llicencia (la primera fue una de xubilaos). Les pancartes, pintaes y amarraes en mio casa, los eslóganes negociaos por nós; el coche colos altavoces, lleváu pola mio muyer y colos mios fíos dientro. Como diz, el discursu dilu yo, na plaza l'Ayuntamientu. Y por rise un migayín: diez minutos enantes d'entamar la manifestación, Begoña -onde entamó- taba desierto aparentemente, pero los portales enllenos, ente otros, con la mayoría de los que dempués garraren la pancarta. Cuando'l paséu tuvo enllenu xente, los que taben nos portales al aguardu de ver cómo diba aquello, dieren un pasu al frente y garraren la pancarta de la cabecera: "Bable a la escuela, Autonomía rexonal". Y dempués vieno lo que vieno, y "el que pudo facer nun fizo".