Árboles espíos, abetos, La Poledura, San Telmu

Desde Duz. A les 10,30 la mañana. El 23/02/14.

El contraste de los árboles espíos del primer términu, el verde perenne los abetos. Al fondu, cases de La Poledura y San Telmu.

Crepis capilaris

Una semeya d'esta abondosa asterácea, Crepis capillaris L., planta anual de flor mariella. Hai bayura. En Duz, el 10/03/13.

La xeneración meyor preparada de la hestoria

Ehí lo tienen: la xeneración meyor preparada de la hestoria. Nel cabildru de Duz. La semeya del 03/02/13.

La xeneración meyor preparada...

La xeneración meyor preparada de la hestoria. Esto ye'l cabildru la ilesia de Duz. La escena ye frecuente: naide ye capaz de recoyer nin un rispiu nuna de les munches bolses que rueden pel suelu. Como se, además, nuna de les semeyes, la papelera ta a menos de siete metros.

¿La xeneración meyor preparada de la hestoria? ¡CUÁNDO VAMOS DEXAR DE MIRAR LA REALIDÁ DE FRENTE Y DEXAR DE CONTANOS CUENTOS!

Edra y puerte

En Los Pablos, en Duz, Colunga. El 18/11/12. Puerte perprestosa y Hedera Helix L., de la familia les Araliácees.

Edra serondiega y puerte

 Hedera helix L., de la familia de les Araliácees. El collor de la mesma na seronda. Y esa puerte, al pie. En Duz, Los Pablos, Colunga, el 18/11/12.

Casona

En Duz, Colunga, el 18/11/12

Ilesia de San Xuan. Duz

Equí un altar procesional. Allúgase al norte, pa cola cabecera la ilesia.

Semeyes del 23/08/12.

Ilesia de San Xuan, Duz

Ilesia de San Xuan de Duz, Colunga. Del primer terciu del XX, fecha dientro la orientación "neorrexonalista" tan frecuente neses feches n'España. Nesti casu, dientro del llamáu "arte neoasturianu".

Ximnasia ente cimbalaria y verbena

Ehí, nesi muriu de la carretera onde la ilesia Duz, fago parte los mios exercicios de calentamientu (enantes de correr). Al pie d'eses dos cimbalarines, que tán ehí tol añu, y, neses feches de la xemeya (03/08/12), con esa verbena del mediu, que saliera como un mes enantes.

Crepis capillaris

Unes semeyes d'esta abondosa asterácea, Crepis capillaris L., planta anual de flor mariella, enantes de floriar.

La semeya, del 17/03/12. Nel campu la ilesia San Xuan, en Duz, Colunga.

Et in Arcadia ego

Nel campu la ilesia de Duz, San Xuan, onde saco delles vegaes semeyes de guapes flores. Como no podía ser menos, ehí tán les muestres del pasu de los nuestros rapazos, "la xeneración más preparada qu'inxamás tuviéramos", xente normal, por otra parte, non especialmente gafo, per otru llau, pero, munchos d'ellos, con poca sensibilidá pa tolo que nun sea "yo", "yo", "yo".

Y, como se ve, toles perres gastaes na escuela, en rollos de mediuambiente y n'educación mediuambiental, en pinturines, cuadrinos, llantación d'arbolinos y otres caxigalines; too ello, ná de ná, pólvora y fumu, pómpares de xabón. O sea, una invitación más a la reflesión sobre la educación, les mentires sobre los efectos que-y atribuimos y les perres que se tiren nella.

Garcines

Pilléles el domingu 19 de febreru, a hora temprana. Taben toes en prau, pastiando na contorna del güe. Por desgracia, en cuantes asomé'l focicu españalaren. Asina que nun tengo más semeya de la so presencia en suelu que la que guardo nel mio cerebru. Equí póngo-yos tres semeyes sucesives del so esñalíu, vuelu, espardimientu y alloñamientu.

El llugar, Duz, san Xuan de Duz.

Caballos ceu

N'hora temprana. El 10/02/12. Hacia les nueve la mañana. Una bona tropiella percherones. En San Xuan de Duz, Colunga.

Maizales y esconxuros

Bono, "esconxuros", con perdón. Estos dos maizales que pongo equí estremen menos de quince metros y tán en Duz. Como se ve, aparte la electrificación pa los xabalinos (novedá d'estos últimos años), los paisanos acuden a delles invenciones pa tratar d'evitar que pegues, cuervos y otru averíu-yos acabe colos maizales. Como se ve, los métodos son distintos y -camiento- a llargu plazu toos poco útiles, en cuantes les pegues y demás-yos cueyen l'aquel. Con esi porgüeyu, el d'espantar a les volátiles, el propietariu d'un de los maizales pon bolses de plásticu, el del otru, peazos de tela. "Intelectus apretatus discurrit que rabiat", que diz el llatín escolar y macarrónicu, pero, como decía'l momificáu Llenín, "la realidá ye testona", o sea, que les pegues y demás, pasáu'l primer momentu, son difíciles d'engañar, sobre tou, porque-yos apreta la fame. 

¡Adepuxa! Gües

En Duz, Colunga. En dos díes seguíos (5 y 6 del 08 de 20011) y dos hores distintes, como se puede ver nos güeyos. Dos magníficos exemplares de gües, de los que se puede decir lo del clásicu: "¡Adepuxa! ¡Y qué estampa / aparenta para padre!"

Al segundu véselu mui modernu, col so ñarigonín-piercing na ñapla y la so cadena na oreya.