Más sobre l'himnu d'Asturies

Más sobre l'himnu d'Asturies. El 06/02/2024 publicaba yo en La Nueva España y dempués equí, a propósitu d'un artículu de David Guardado sobre l'himnu d'Asturies, unes cuantes idees sobre la mio valoración del Asturies como himnu y señalaba que, allá nos 70, hubo dellos intentos de pone-y una lletra más curiosa a lo qu'a munchos nos paecía mui poco afayaízo pa un himnu, Equí ta ún d'aquellos exemplos, asoleyáu na portada de Asturias Semanal.

L'himnu asturianu

Sobre l'himnu asturianu (una música pasable, pero la lletra más "aventada" de ningún himnu del mundu) dixérense munches coses, hasta que venía de Polonia.

La verdá ye que, lletra y música, pertenecen al folklore popular d'España, polo menos na so zona norte (daquién dixo que, en realidá, l'himnu ye una canción santanderina, y nun-y falta parte de razón).

Per otru llau, y como se va ver nos testos que siguen, l'himnu, como casi tolos cancios "tradicionales", consta de tos testos apiegadiellaos, porque los testos tradicionales nun suelen dir tresallá de los cuatro versos.

Los que vienen agora son cuatro testos estremaos de La Liébana cántabra. Recoyíos yá hai munchos años y d'informantes vieyos o d'informantes que los cueyen de la tradición. Velehí:

Tengo de subir al árbol, / tengo de subir arriba, / a coger una naranja / pa la prenda de mi vida.

Tengo de subir al árbol / tengo de cortar la flor, / y dársela a mi morena / que la ponga en el balcón. / Que la ponga en el balcón, / que la deje de poner, / tengo de subir al árbol / y la flor he de coger.

Tengo de subir al árbol, / tengo de cortar la flor, / y dársela a mi morena, / que la ponga en el balcón.

Canciones de las montañas de La Liébana (Cantabria), José Manuel Pedrosa (1989).