Día européu de les llingües, Xixón Sound de Inaciu Galán

El 26 d'esti mes celebróse'l Día Européu de les Llingües. En Xixón, na Llaboral, Centru d'Arte, dio una conferencia l'eurodiputáu Jonás Fernández, hubo una mesa reonda onde tuvieren, ente otros la conseyera, Ana Vanessa y Inaciu Galán, recitó poemes Sofía Castañón y hubo un concertu d'un cuartetu de la OSPA. Interesante. Poco enantes Inaciu Galán regalóme'l llibrín de poemes Xixón Sound, editáu de recién. Tien dellos poemes mui bonos.

Disculpes y correción

Mecedes Calzada tien l'amabilidá de señalame un tracamundiu nel ensiertu de güei pela mañana. Ponía ellí que La otra hija yera d'Alba González y Parentesco de Sofía Castañón. Corrixo: ye satamente, como sabía de suebra -nun se puede trabayar tan apriesa- "al vesres", La otra hija, de Sofía Castañón, Parentesco, d'Alba González, Disculpes a dambes y a los llectores. Gracies a Mercedes.

Dos llibros, de Sofía Castañón y d'Alba González

L'otru día tuve na presentación de dos llibros de poesía, Parentesco, d'Alba González, y  La otra hija, de Sofía Castañón, dambos en castellanu.

Pongo equí dos semeyes de l'actu. Metanos de les dos poetises, la presentadora, Ana Vanessa Gutiérrez.

Rafael Palacios, un asturianu más (por desgracia)

Antayeri atopé a Rafael Palacios na presentación de dos llibros de poesía, La otra hija, d'Alba González, y Parentesco, de Sofía Castañón, dambos en castellanu.

Contóme que ta pa fuera, n'Arxentina; que ta iguando los papeles; que va porque ellí hai trabayu y equí non; que va entamar faciendo lo que sea: descargar camiones, ser pión d'obra...

Un asturianu más, por desgracia. Un exiláu d'esta tierra, d'esta sociedá inútil y incapaz.

(Y, tanxencialmente, ¡qué difícil ye ser asturianista políticu nesta tierra!).