Llaméntolo

Pero nun puedo tresmitivos l'arrecendor de los sanxuanes, qu'estos díes atrás, y güei entovía, atarraquitaren col so prestosu olor les sebes y les caleyes.

Lo que sí puedo ofrecevos ye ún poema d'ún de los mios llibros:

Un istante enantes

una mano de fueu llanza al aire'l gritu del to cuerpu, 

cancien páxaros blancos y xazmines azules.

Dempués l’ámbetu ásela y hai entós un esñalíu d'algodones

que s'endolca nos miembros desdexaos y nos llabios vencíos

les tos manes

vienen dormísete nos pechos comu una nevada de sanxuanes

San Xuan, aligustre

L'aligustre o sanxuanín (Ligustrum vulgare L.) dase normalmente como un arbustu que cierra caminos y sebies dando un racimu de florines blanques peroloroses, y que suel floriar per mayu y xunu (d'ehí'l nome). Ye tamién árbol y suel llantase con cierta frecuencia nes cais de les nuestres ciudaes. L'árbol floria un migayín más tarde, pa finales de xunetu y agostu.

Los frutos del sanxuanín son bagues de color prietu, apaecíes a una aceituna, y son tósiques.

L'exemplar qu'equí llantamos ta allugáu nel perímetru de la ilesia san Xuan, en Duz, Colunga.

Les semeyes son del 20/08/12.

Colunga, árboles, aligustre (III)

Doi equí tres semeyes d'un aligustre o sanxuán d'un magníficu porte. Una d'elles, la que se lu ve na distancia, ye espantible. Siéntolo, pero nun tenía otra perspectiva pa garrá-y una visión de conxuntu y que se lu pudiese almirar na so totalidá.

Son del 23/08/10. L'árbol ta, como l'otru de los dos anteriores ensiertos, na parroquia de Duz, en Colunga.

Colunga, árboles, aligustre (II)

Dos nueves semeyes del sanxuanín o aligustre de la ilesia de san Xuan de Duz. La flor da un magníficu arrecendor, como toles de los sanxuaninos.

Les semeyes tán sacaes nel 20/08/10. Na mesma parroquia hai un par más d'exemplares de magníficu porte, que vamos publicar otru día.

Colunga, árboles, aligustre

L'aligustre o sanxuanín (Ligustrum vulgare L.) dase normalmente como un arbustu que cierra caminos y sebies dando un racimu de florines blanques peroloroses, y que suel floriar per mayu y xunu (d'ehí'l nome). Ye tamién árbol y suel llantase con cierta frecuencia nes cais de les nuestres ciudaes. 

Los frutos del sanxuanín son bagues de color prietu, apaecíes a una aceituna, y son tósiques.

L'exemplar qu'equí llantamos ta allugáu nel perímetru de la ilesia san Xuan, en Duz, Colunga.

La semeya ye del 20/08/10.