Albert Rivera y Primo de Rivera

Sobre la propuesta d'Albert Rivera de nomar un independiente pa presidente del Gobiernu, yá falé ayer: recuérdame la idea de Miguel Primo de Rivera: la de facer alcalde a los secretarios d'Ayuntamientu, porque pa eso sobraben los políticos (y diben facelo meyor los funcionarios).

Tirar les perres, facer probe al país, dar trabayu pa los amigos

Agora que van dexando de mandar los que llevaben mandando casi yá tantos años como Franco va viéndose qu'emplegaren les instituciones pa colocar amigos (llegalmente o non), pa arruinar al país, pa endeudanos y pa nun facer ná.

La receta ye cenciella: ponga a cierta xente al frente del presupuestu y yá pensarán él y los suyos "que pa eso ganamos la guerra", si, pa enriba, -yos dan una palabrina pa xustificase (nin siquier un discursu, y menos, un cursu de dos díes, una palabrina, "keinesianu") yá ta completo too: la ocupación y la invención de cargos y empleos; la deuda y el despilfarru. Vean l'arreyu que pongo agora y nun dexen de selo porque sea l'ABC. Y piensen, además, qu'esto nun ye más qu'un casu ente miles. Dirémos viendo de too, y nun s'escaezan qu'esa forma d'actuar y de pensar nun tien menos culpa de la crisis que la que-y quieran echar a los bancos o a la construcción.

Diario de un alcalde maniatado (ABC.es)