Un conceyu exemplar: Lugo (II)

Como señalé ayer, les cayes de Lugo tán enllenes d'escultures dedicaes a los escritores gallegos y a los sos personaxes ilustres. De la mesma forma, en dellos edificios dexen constancia d'acontecimientos que nellos sucedieren. Nesti, na Rúa da Raíña, 1, nel edificiu del Hotel Méndez Núñez, recuérdase la xuntanza pa la redacción y asoleyamientu del manifiestu nacionalista.

Y agora, el camientu sobre nós, sobre los asturianos. ¿Nun ye curioso que la mayoría les cayes de les nuestres ciudaes tean dedicaes a personaxes "importantes" foriatos (Carlos Marx, La Pasionaria, Pablo Iglesias...) y qu'hebia tan poques cais y monumentos dedicaes a la nuestra xente y a la nuestra cultura?

¿Conocen munches escultures na cai dedicaes a homes ilustres asturianos? ¿Munches plaques recordando acontecimientos d'importancia de la nuestra cultura?

Por exemplu, ¿daquién averiguó en dacuando, ónde s'aconceyaba la primer Academia de la Llingua, la de 1919?

Xeneración Nós (lo que va de nós a vós)

Anduvi estos díes per Lugo, por razones de mena familiar. Agospiéme nel hotel Méndez Núñez (d'antizapateril recuerdu, por ciertu) y ellí atopé a la puerte l'hotel esta placa que llantara ellí'l Conceyu y que la ciudá y l'hotel conserven con pricuru.

Ehí enriba ta. Y agora afalen vustedes la señardá, la envidia y la rabia: ¿Qúe había equí nel 1918? Si hebía daqué (que lo hebía: "Pin de Pría", "Pachín de Melás", per exemplu), ¿qué tratu-yos dio'l país? ¿Cómo conservamos la so memoria? ¿Ven a ún Conseyu recordando agora, por exemplu, un manifiestu nacionalista, masque nun fuere más que no cultural? De tener llantada la placa nuna fachada nun momentu determináu del pasáu (por un milagru, per exemplu) ¿caltendríase güei? ¿Conservaríala l'amu l'edificiu o'l dueñu l'hotel? Etc.

¡Ai! ¡Cuánto va de nós a vós! ¡De país a país! ¡D'Asturies -tan ingrata pa los sos fíos, tan despreciatible de lo de so y de les sos tradiciones- a cualquier otru sitiu!