Como señalé ayer, les cayes de Lugo tán enllenes d'escultures dedicaes a los escritores gallegos y a los sos personaxes ilustres. De la mesma forma, en dellos edificios dexen constancia d'acontecimientos que nellos sucedieren. Nesti, na Rúa da Raíña, 1, nel edificiu del Hotel Méndez Núñez, recuérdase la xuntanza pa la redacción y asoleyamientu del manifiestu nacionalista.
Y agora, el camientu sobre nós, sobre los asturianos. ¿Nun ye curioso que la mayoría les cayes de les nuestres ciudaes tean dedicaes a personaxes "importantes" foriatos (Carlos Marx, La Pasionaria, Pablo Iglesias...) y qu'hebia tan poques cais y monumentos dedicaes a la nuestra xente y a la nuestra cultura?
¿Conocen munches escultures na cai dedicaes a homes ilustres asturianos? ¿Munches plaques recordando acontecimientos d'importancia de la nuestra cultura?
Por exemplu, ¿daquién averiguó en dacuando, ónde s'aconceyaba la primer Academia de la Llingua, la de 1919?
2 comentarios:
Equí tenemos la cai División Azul, hom. O milenta places Principe d'Asturies.
Por cierto, ¿ú aconceyaba la primer Academia asturiana?
Por exemplu en Xixón la cai que-y dediquen a Pin de Pría ye un auténticu callejón que nun tien más de 30 metros nel barriu'l llano.
Publicar un comentario