Encuesta d'intención de votu

Enxertamos equí un gráficu publicáu pol diariu El Comercio fechu sobre una encuesta d'intención de votu que'l periódicu realizó. Como se ve somos la cuarta fuerza política n'intención de votu, en correspondencia cola nuestra realidá: 2 alcaldes y 12 conceyales: dempués de nós ábrese'l vaciu.

La conclusión más importante ye que tenemos un suelu firme anque non grande. Toi seguru que d'ehí vamos arrancar pa munchu más enriba pa mayu del 2011.

Una quexa (que'l que quiera ver la so sustanciación puede dirixise a les mismes páxines d'El Comercio): somos la cuarta fuerza política asturiana, nun solo n'intención de votu futuru, non, SINÓN NA REALIDÁ PRESENTE. TENEMOS DOS ALCALDES Y DOCE CONCEYALES. Los medios paecen escaecese siempre d'esti asuntu. Nun quiero pensar por qué, anque lo sé.

(Sobre otros asuntos y otres preferencies de los medios, prefiero pesllar la boca.)