Cualquier día d'estos acabarán acantaciando hasta la muerte a la iraní Sakineh Mohammadi Ashtiani, una viuda de 43 años que, según paez, tuvo relaciones con dos paisanos dempués de la muerte del so maridu.
Aparte lo tarrecedor de la noticia, el que daquién pueda ser asesináu/axusticiáu poles sos relaciones sesuales, repuna tamién, o muncho más, la forma d'asesinatu/axusticiamientu: l'acantaciamientu de la víctima, fundía nun pozu hasta'l piscuezu, hasta la so muerte.
Pero nun da menos ascu'l silenciu del progresismu oficial y del feminismu de pandereta y manifestación delantre esti crimen espantible. Y lo mesmo podíemos decir del achantamientu del padre de l'Alianza de Civilizaciones, el señor Zapatero y el partíu nel que se sofita.
¡ASINA SON, ELLES Y ELLOS!
Y pa Sakineh Mohammadi Ashtiani, suerte, piedá y, si pudiese ser, un milagru.
No hay comentarios:
Publicar un comentario