El debate sobre les diputaciones: l'aplausu de La Generalitat.

Sede de la Xunta Xeneral
Antigua Diputación, llevantada nel 1910 nos términos del conventu San Franciscu

Nesti debate sobre l'esaniciu les diputaciones, como muérganos intermedios ente los ayuntamientos y les autonomíes y más o menos en sin sentíu, cares y con duplicación de servicios, vamos escuchar munches mentires, más medies verdaes entá, una estrapallada de palabres y, al final, va pasar como cola reforma'l Senáu -que lleva yá tantos años "reformándose" y esapaeciendo como la democracia-: ná ente dos platos.

Pueden tamién sentir coses como esta: "La Generalitat aplaude la propuesta y espera que no caiga en el olvido (La Nueva España del 17/08/2011)"

Porque, en realidá, la Generalitat aplaude'l descastrie de les diputaciones -contra les que lleven munchos años chando CiU y otros-, pero ye p'ampliar les "vegueríes", otra institución intermedia ente los ayuntamientos y la propia Generalitat. O sea que, más de lo mesmo.

Per otru llau, y como sabrán los llectores, a los asturianos la cuestión nun nos afecta dientru'l nuestru territoriu, porque la Diputación sumióse na autonomía col Estatutu d'Autonomía, esto ye, na práctica, dende 1983