 |
| Ratón, un reactivu de lo que somos, meyor que cualquier desplicación sociolóxica o filosófica |
Como saben, a Ratón, un toru, contrátenlu peles places de toros de los pueblos un añu tres otru. Y la so contratación ye costosísima, porque Ratón tien un caxé peraltu. ¿Que por qué lu tien? Porque, en cinco años, lleva mataes tres persones y escorniaes y toyíes a un montón. ¿Que por qué lu contraten? Porque lu quieren ver. ¿Y por qué lu quieren ver? Pues mui cenciello, pa ver si mata a otru el día qu'ún lu ta viendo. Esa ye la emoción. Naturalmente, el que lu va ver nun piensa que lu van matar nin a él nin a los suyos, pero sí que puede'l güe matar a dalgún. Esa ye la emoción y esa la razón del caxé.
Naturalmente, los enfotaos nel y los empixaos nel son toos ciudadanos como los demás: voten, llamen a les bruxes y echa-cartes y tienen opiniones y arbitrios.
¿Pa qué nos vamos engañar? Eso ye lo que somos.
No hay comentarios:
Publicar un comentario