Impuestos, empreses y socialistes

Agora que falamos d'impuestos. Cuando negociamos col Gobiernu Marqués los presupuestos, pactamos y conseguimos una rebaxa del 25% del IAE (impuestu d'actividaes económiques), qu'afecta, como se sabe a autónomos y empreses, porque entendimos -y entendemos- qu'hai qu'estimular los negocios y, polo tanto, la creación d'empléu. Duró dos años. En llegando Areces, lo primero que fizo fue esaniciar esa rebaxa. El que tenga oreyes p'atolenar qu'atolene (que diz la versión del Evanxeliu San Matéu al asturianu del arzobispu Manuel Fernández de Castro, don Manolín).