Una rellectura prestosa: Un par de botes

Una rellectura prestosa Acabo de volver lleer los cuentos d'Un par de botes. Cuentos de fútbol, de Vicente García Oliva. García Oliva ye un autor bayurosu, tanto de lliteratura xuvenil como de lliteratura en xeneral, y siempre acertáu. Esta coleición remítenos a un tiempu pasáu, ente los años cincuenta y picu y setenta, cuando se podía xugar na caye ensin que, malapenes, pasasen coches. Evidentemente, el méritu nun ye solo esi, el de la recreación -costumista, sociolóxica, emocional d'un ambiente y una época-, ye tamién el de la so escritura, al tiempu llana, fácil y de bon afluyir. Pero, sobre tou, la cadarma y el discurrir de les narraciones, que lleven siempre a un final "en picu".. Pol mundu recreáu y retratáu, prestosu especialmente pa la xente de Xixón.