Paisaxes dende San Pedru, en Llastres. En primer llugar, carbayos. La cai baxa hacia La Colexata, lo que ye'l colexu del famosu matemáticu llastrín Pedrayes. Al fondu, El Sueve y les playes de Caravia y Vega.
Les semeyes, del 09/08/11.
Mostrando entradas con la etiqueta Cándido Vega. Mostrar todas las entradas
Mostrando entradas con la etiqueta Cándido Vega. Mostrar todas las entradas
Cacicada en Ponga
Les denuncies del Principáu contra l'alcalde de Ponga por asfaltar pistes pa los ganaderos tienen dos marcos de referencia: - a) La política del PSOE e IU pa echar a los paisanos de los puertos y convertir los montes nuna reserva pa cotolles, llobos y, de xemes en cuandu, paseantes señoritos.
- b) la persecución a cualquier rival políticu, especialmente si nun ye del PP y vien a entrometese nel gran negociu empresarial que son esos dos partíos.
Pa eso, los del PSOE tienen el canil como los llobos que promocionen.
Asina se desplica, per exemplu, que los primeros informes de los guardias del parque sobre les pistes iguaes fueren "retocaos" y "endurecíos" nuna nueva versión.En cualquier casu, el conceyu de Ponga tomó conciencia de qué tipu de llobos lu quieren escanucar y de cómo quieren convertir a la xente nun rebañu humilde, asobayáu, silenciosu, aprobetayáu y ensin futuru. Darréu, que más de 300 persones se manifestaren n'apoyu al alcalde na lluviosa tarde del perlluviosu sábadu 15 d'esti mes.
Javier López y un servidor, el qu'esto firma, tuvimos ellí, xunto con otros miembros representativos de la coalición.
Cercu al alcalde asturianista de Ponga (y a los vecinos)
El fiscal de mediu ambiente acaba de facer público que va pedir tres años y mediu de cárcel pal alcalde de Ponga, Cándido Vega, por abrir pistes ganaderes en monte, «ensin permisu mediuambiental» a lo que paez. Al marxen de les discusiones de formalidá llegal, hai que señalar lo que d’inhumanu y antidemocráticu tien el fondu la cuestión, que ye ésti: La política llamada «progresista», la del PSOE e IU, fundamentalmente, anque non solo, consiste n’espulsar del so hábitat de más de dos mil años (sí, más de dos mil años) a los asturianos pa dexa-y sitiu a les cotolles, a les cotolles. Repito, a les cotolles, nin siquier a los llobos.Porque lo que ta consiguiendo esa política de parques y de falsa protección de la naturaleza ye char a los paisanos del monte de l’actividá agraria, col únicu fin de conseguir unos pocos cientos de votos de señoritos les ciudaes y de quedar bien los autodenomaos «progresistes» cola idea que de sí mesmos tienen.
Convién recordalo: les pistes en cuestión son pistes ganaderes que siempre esistieren, lo que se fizo fue adecuales pa que los pocos paisanos y pastores que queden puedan subir y baxar al monte con más facilidá –y ensin matase- a atender el so ganáu.
Pero, claro, na política «progresista» del PSOE y IU lo importante nun son les persones, nin los ganaderos, nin mucho menos los asturianos, sinón los metros cuadraos que puedan proclamar en Madrid que declararen «parque» o «reserva».
Dempués, que intervenga un fiscal en defensa les cotolles ya ye cosa que vien de por sí.
Asturianismu en Ponga (II)
Yá dixéramos que PSOE y PP obraren decentemente retirando aquella estraña moción de censura en Ponga. D`esi mou y manera, l'alcalde asturianista, Cándido Vega, puede completar estas llexislatura'l magníficu llabor que vien faciendo y podrá seguir con esi llabor la prósima llexislatura.
De toes maneres, convién dexar constancia equí del sofitu popular al asturianismu en Ponga (por cierto, además de Cándido, perihí andamos Javier López Alonso y un servidor).
Alcaldía asturianista de Ponga (I)
Yá dixéramos que PSOE y PP obraren decentemente retirando aquella estraña moción de censura en Ponga. D'esi mou y manera, l'alcalde asturianista, Cándido Vega, puede completar estas llexislatura'l magníficu llabor que vien faciendo y podrá seguir con esi llabor la prósima llexislatura.
De toes maneres, convién dexar constancia equí del sofitu popular al asturianismu en Ponga (por cierto, además de Cándido, perihí andamos Javier López Alonso y un servidor).
Moción de censura en Ponga: retirada
Esti guañu tien como oxetu dexar constancia de dos coses:La primera: felicitanos pola retirada de la moción de censura y de que l'asturianismu, con Cándido Vega a la cabeza, siga llevando les riendes en Ponga.
La segunda: dexar tamién afitao'l comportamientu correchu del PSOE y del PP: los primeros, por nun aceptar la firma del trésfuga del PP y retirar la moción de censura; los segundos, por dexar fuera'l partíu al trésfuga.
Como convién siempre decir les coses, especialmente les que se fain bien, equí queden diches.
En Xixón, Asturies, y a 13,12 la mañana.
Moción de censura en Ponga
Cuatru notes.Una: el sábadu, 2 de xineru, hubo manifestación d'apoyu al alcalde asturianista, Cándido Vega, en Ponga. Como recoyeren todos los medios, la presencia de xente fue bayurosa, unes doscientes (contaes una a una) persones. Si se fai la traducción a la población que tien el conceyu y se fae'l descuentu d'enfermos, medraniegos, votantes acérrimos d'otres formaciones, etc., la suma tien un significáu de "práctica totalidá". Destacable: la presencia de xente del PP, de Ponga y de fuera, dellos significaos, ente los manifestantes.
Dos: Cuando al PSOE-y faen mociones de censura, los que sofiten al partíu que-y les fai son "apestosos tránsfugues". Cuando eses mociones lu favorecen, son "conceyales qu'acontien la llista más votada" (col PP, nun crean, ocurre lo mesmo). Consecuencia: el "pactu antitransfuguismu" nun ye más qu'una mázcara hipócrita y santurrona pa disimular lo que son de verdá PP y PSOE: dos grandes negocios de poder y empléu que tán a lo que pillen, ensin importa-yos un pitu los ciudadanos.
Tres: El trabayu de la mayoría asturianista vese per tou Ponga. L'asturianismu convirtió un conceyu en recesión y ensin atenciones a los vecinos, nun conceyu con obres, entusiasmu y progresu.
Cuatru: El PSOE fala del "desgobiernu" de Ponga. Habrá que recordar que, cuando'l pactu Unión Asturianista (URAS-PAS) garró'l gobiernu del conceyu, el PSOE (que "gobernó" en Ponga dende siempre) llevaba dos años gobernando y gastando ensin presupuestos (¡dos años ensin presupuestos!). Estos el cementu deben usalu sólo pa afatase la cara.
Pueden lleer les noticies d'ayer 03/01/2010 en:
Suscribirse a:
Entradas (Atom)