El blog de Xuan Xosé: Felipe Prieto

Ayeri, diría elli, morrió Felipe Prieto. Dexo equí constancia del afectu y almiración hacia la so persona, como artesanu y artista, como poeta, como paisanu.

Reitero, por ello, les palabres que dixera nel 2010, con ocasión de l'asistencia a un recital de so: Recital 2010. Llástima que nun podiamos trescribir equí la so voz y la so elocución, qu'arreyaben emoción y resonancies al testu. Espero qu'esista grabación d'aquel actu y que los responsables de los Encuentros Poéticos del Instituto la asoleyen.

Per otru llau, en La Nueva España de güei publica Manuel Campa, que fue amigu y collaciu d'él un magníficu y prestosu artículu, que recomiendo lleer.

Pongo equí dos poemes d'él. El segundu sentílu nel recital que dio nel 2010, al que fago referencia enriba.

CAMENTÁI,
cuando vos pasen los años per encimacomu un trator del tiempu.Camentái, vos digo,los neños y la herba. Camentái los xareos l’arrosá y les rises;l’orbayu embaxu’l parque de bedulesy el boriar saláu del abeyón ente la rama. Comparái, entós, cuando vos griña’l pasu,les ñubes cones ruines, el suelucol cielu, los muertos colos vivos. Comparái, entós, los años colos díisla espuma col posu, el pan coles palabres,les piedres col aire, el sollozu y la risa. Y caerés dexaos, desde vosotros mesmos,amanciaos pola vida, frutos d’esperanza,ente lo verde, el prau, la tierra escuray otra vez esbillaos, a puxar pola vida.

El gato, aquel que te quería

Se ha ido dejando una mirada de seda azul y triste que se engancha en todas las espinas del rosal.
El gato, aquel que tú mimabas, venía por las noches a maullarme y a darme en el hombro con la pata diciéndome sus cosas.
¿O tus cosas?
El gato, aquel que te incordiaba parándote a zarpazos la escritura, se puso muy pesado inspeccionando tus cosas y mis cosas.
¿O sus cosas?
El gato me miraba fijamente y luego me esparcía las palabras que estaba yo poniendo con cuidado para escribir cartas de mi amor. El gato se hizo con tu almohada y la ronroneaba noche y día.
A veces la arañaba suavemente para esparcir tu aroma junto a mí.
El gato, aquel que tú querías, simuló que estaba muy cansado, dijo que se dormía para siempre, y al final se fue para buscarte.

El pasáu día 4 tuve nun recital de poesía de Felipe Prieto. En primer llugar pola nuestra relación, que ta reforzada polo qu'un descubre que ye un afectu que va creciendo colos años: la solidaridá de quinta o fola, non sólo lliteraria, más que lliteraria, vivencial: como la consciencia inconsciente de ser co-testigos d'un mundu que yá nun ta vivu más que nes nuestres cabeces.

El casu ye que, tres d'el recital, nel que Felipe lleó poemes n'asturianu y en castellanu, torno destacar la enorme sensibilidá poética de Felipe Prieto (tanto -ye una babayada'l decilo- en castellanu como n'asturianu), la so capacidá escrituraria y la so magnífica elocución recitativa.

Paga, per otru llau, la pena sorrayar que dalgunos de los poemes dedicaos a la so muyer -yá allonxada- son escelsos.

Trescribo equí ún de los poemes más conocíos d'elli, asoleyáu yá n'Esbilla, y lleíu nel actu del día 4.

Dexáronmos equí / pa morrer solos y amanciaos / como mazanes vieyes.., / y los corazones esgonciaos / como en dayuri les portielles. / Dexáronmos equí / per entre les utres y les peñes, / y el cuchu amontonáu / peles caleyes. / Dexáronmos equí pa buscá vida / y daqué pa h.acer coles sos manes, / que la tierra yá se ve / equí na ería / y menos non se verá pente alemanes. / Dexáronmos equí / con una tierra vieya y espurría / que por non dar non da ni herba roína. / Dexáronmos equí / los vieyos, y los coxos, y los ciegos / y hasta los muertos / quedáronse na osera / con los huesos axuntaos nun maniegu. / Denantes había palombes nesti pueblu, / agora nuestres palombes son los cuervos.