La xente de «Doi la cara pola oficialidá» va llegar a les 10.001 semeyes de persones que tán pola oficialidá y dan la cara por ella.
Sobre l'ésitu del númeru, hai que sorrayar qu'hai "firmes" famoses, nomes d'importancia (en cuantes "persones" son toos iguales d'importancia caún de los diez mil), lo que constituye un elementu bultable de la campaña.
Como otres vegaes ya fexe nesti blog y na Unión Asturianista URAS-PAS (va p'añu y mediu), amás de felicitalos, yo ensierto equí la mio semeya en gabita de la propuesta y de la campaña, como yá lo fexo Xesús Cañedo Valle, el secretariu xeneral del PAS, y otros collacios de la Executiva del PAS.
Polo demás, aparte esa reiteración personal, de mio, y colectiva, del PAS, de sofitu y compromisu, equí llanco la dirección por si quieren entrar nella y afitar dende ellí: http://www.doilacara.net
