La gaitera Andrea Joglar

La gaitera asturiana Andrea Joglar (19 años) convirtiose'l pasaú sábadu 7 d'agostu, na primer muyer en ganar el trofeu «McCrimmon» de gaita nel festival de Lorient.

Segundu y tercer puestu foron tamién pa los asturianos: Rubén Alba, y Rodrigo Joglar.

Norabona a toos.

Norabona

Hai unos díes, Alberto Coto García consiguió un record mundial de cálculu (amás de ganar tres medalles nel campeonatu del mundu cellebráu en Magdeburg, Alemaña). Ya tenía varios récords «Guinness», multitú de medalles en campeonatos del mundu y tres medalles (dos oros y una plata) nes Olimpiaes de deporte mental.

Alberto Coto ye un modelu p’Asturies como ciudadanu y como asturianu: trabayador, constante, profesional, ensin encurrinar nos fracasos nin empiquerase nos ésitos y capaz siempre de superase y tirar p’alantre.

Alberto Coto ye un exemplu p’Asturies y los asturianos.

¡¡NORABONA!!

Norabona

Ayer, el Biesca Xixón Hockey Club proclamose de Campeón d'Europa de clubs femeninos de hockey sobre patinos (¡¡por tercera vez!!).

Les xugadores del Biesca Xixón son un modelu p’Asturies como ciudadanes y como asturianes: trabayadores, constantes, profesionales, ensin encurrinar nos fracasos nin empiquerase nos ésitos y capaces siempre de superase y tirar p’alantre.

El Biesca Xixón Hockey Club ye un exemplu p’Asturies y los asturianos.

¡¡NORABONA!!