Nun doi créditu. Nun puedo creelo. Sigo la rueda prensa del tándem Montero-Calviño, y nun puedo creelo.
El Gobiernu anunciara que los neños diben poder salir a partir del 27 a dar un paséu. COMO PUEDEN EN TOA EUROPA.
Pues resulta que sí, que van poder salir, pero non a dar una vuelta, a tomar el aire, sinón A CONTAMINASE.
Esto ye, puen acompañar a un proxenitor a comprar al supermercáu, a la farmacia, a pola prensa o al bancu, PERO NON A PASEAR.
Esto ye, puen llevalos a onde, ente la xente, -yos va ser más fácil ser infectaos, SOBRE TOO POLA SO ESTATURA, porque puen cae-yos enriba más fácil les gotes de saliva.
Porque TAMPOCO PUEN DIR DOS ADULTOS CON ELLOS, de mou y manera qu'un quede fuera del sitiu onde s'entra a facer la compra o'l serviciu, mientres l'otru ta dientro.
Y ello, además, teniendo en cuenta que nin hai mascarilles pa neños nin guantes, DE MOU QUE TENDRÁN QUE DIR ENSIN PROTECCIÓN O CON UN APAÑU CASERU.
Les opciones de los pás son entonces tres:
a) Nun sacar los neños de casa, dempués de qu'ellos saben que diben salir. ¡MENUDA FRUSTRACIÓN!
b) Leavalos y dexalos SOLOS a la puerta l'establecimientu, col riesgu de qu'escapen, salgan a la carretera, los lleven o quién sabe qué.
c) Metelos nel establecimientu (ensin mascarilla, o ensin mascarilla afayaíza) pa que puedan infectase fácilmente.
¿Ven ustedes otres opciones?
Y, enriba, igual s'atreven a traer l'argumentu rabulescu del artículu 7 del 14 de marzu. Más imbecilidá entovía.
Profundísimamente imbéciles.
Yá verán ustedes que marexada de decepción y d'ira se va llevantar. Tal parez QUE SE RÍEN DE LA XENTE.
