El blog de Xuan Xosé: votu foriatu

Seguimos avanzando, hacia l'abismu, hacia'l depeñaderu.

Les últimes cifres del paru son que ya algamamos los 76.002 paraos. En septiembre los paraos rexistraos nel Serviciu Públicu d'Empléu del Principáu incrementárense en 3.046 persones, un 4,18 por cientu más que nel mes anterior

El paru masculín ye de 35.323 persones, mentantu'l femenín algamó un total de 40.679.

Per estayes, el paru subió en Servicios en 2.593 persones; el colectivu Ensin Empléu Anterior, 317 personas; en Construcción aumentó en 30 persones; Industria en 82; y Agricultura, en 24 personas.

Estos son los efectos del Gobiernu "progresista", IU y PSOE. Ta claro que, como decimos siempre, ellos nun son tol problema, pero son parte d'él y, en dalu casu, formen parte de la solución.

Paez que nun van modificase dalgunos de los aspectos que se decía diben camudase en relación col votu de los «asturianos foriatos». Vamos decir, previamente, que que’l ciudadanu asturianu que ta fuera temporalmente pueda votar nel so país constituye un derechu elemental y de sentíu común. Que lo fagan asturianos de segunda y tercera xeneración, que nin conocen a lo meyor el país sobre’l que tán decidiendo, nin saben cuála fue l’actuación de los respectivos partíos nin a quiénes en concretu voten nun ye un derechu democráticu, ye «un escándalu democráticu» y, en munches ocasiones, un «escándalu caciquil». La democracia requier l’interés polo votao, la conocencia y el derechu d’esixencia y responsabilidaes.

Porque, per otru llau, munchos d’estos votos tienen, na práctica, un tafu «caciquil», porque son los cachicanes de los partíos respectivos los que s’encarguen d’«ayudar» a tramitar el votu nesos países de Sudamérica, países nos que munches vegaes, además, les oficines públiques y l’alministración son lo que son.

Qu’al PSOE-y interesa especialmente qu’esto siga asina nun ye d’estrañar, yá que ehí tien un gran ñeru de votu que consigue coles perres de toos en viaxes y fartures institucionales. Que-y interese tamién a IU, que nin tien votos nin dineru p’atropalos tampoco ye d’estrañar: inxamás saben ónde tán y tracamundien siempre sueños, fantasíes y discursos con realidaes.