Dende fai más de siete años el PSOE asturianu, l'Ayuntamientu Xixonés (PSOE y IU), el Gobiernu Asturianu (PSOE y IU) dicen que vienen trabayando pa la ZALIA y pa El Musel, afirmando que, de la xuntanza los dos, van crease munchos empleos.
Dempués de tantos años de propaganda y roídu, ensin tar acabaos nin ZALIA nin El Musel, lo que sí consiguieren yá fue pesllar empreses y destruir puestos de trabayu. N'efectu, pa poner en marcha la ZALIA lo que fain de momentu ye echar de los terrenos onde se va llantar el nuevu polígonu a una empresa que ta allí yá asitiada, Jesús Méndez Maderas, SL, que tien diez trabayadores.
Naturalmente, la indemnización que-yos dan nun ye abondo pa que puedan treslladase, tampoco los dexen quedase.PSOE, IU y política progresista n'estáu puru: a destruir lo qu'esiste nel nome de lo que nun se sabe si va venir.
No hay comentarios:
Publicar un comentario