Premiu Alcuentros

PREMIU “ALCUENTROS” A XUAN XOSÉ SÁNCHEZ VICENTE Esti domingu, día 28, a les 13,30 l’asociación “Alcuentros” va entregar a Xuan Xosé Sánchez Vicente la placa conmemorativa del VIII Premiu Alcuentros que se-y concedió. El llugar de la entrega va ser el parque Hernán Pérez-Cubillas, en Colunga. Alcuentros ye una asociación d’artesanos colungueses. Col premiu quier reconocer la contribución a la cultura asturiana de persones o entidaes. Entre los galardonaos anteriores afáyense, ente otros de non menor méritu y sonadía, el profesor y eruditu José Antonio Fidalgo, la periodista Ana Paz Paredes, la panderetera Marta, el folklorista y cantante Rodrigo Cuevas, Ana Hazas, la empresaria d’Anchoas Azas.