De los sueños hicimos pesadilla.

De los sueños hicimos pesadilla Un comentariu d'un llector

Termináu de lleer el llibru. Yo nací en 1966, fíu y nietu de mineros que vivieron la posguerra y la dictadura del xeneral Franco. Con trabayu y esfuerzu, arrimando tol mundu l’hombru pa sacar la familia alantre, non sin dificultaes. Recuerdo delles hestories que relates, contárameles mio güela Consuelo, a la vera la cocina carbón, asando unes mazanes o amagostando unes castañes na chapa. Pasaben los aviones per encima de Sama, sonaben les berrones (sirenes), y la xente corría pa metese dentro del túnel del tren, y pesllábenlu con una puerte de fierro, hasta que pararen los aviones. Tamién canciábame el canciu que recueyes en De los sueños hicimos pesadilla: “Ellos yeren cuatro y nosotros ocho, vaya paliza que nos dieron ellos a nosotros”. En fin, una crónica de la non tan remota hestoria vivida n’España y, sobre too, n’Asturies, onde la población fue emburriada a una engarradiella (confrontación civil) ente hermanos o vecinos, a vida o muerte, por unos dirixentes políticos qu’enxamás midieron les consecuencies que trairía esi enfrentamientu de les dos Españes a les xeneraciones futures. Llibru mui fácil de lleer y con gran precisión de datos y llugares y situaciones qu’esperemos nun se repitan nel tiempu pol bien de toos.