Presuntes disculpes

Estes son les disculpes de Juan Echanove pola "graciosada" d'Imanol Arias y él mesmo (Juan Echanove) nel programa de la televisión pública "Un país para comérselo" del mes pasáu.

ver EQUÍ les disculpes:

Como yá dixéramos, la culpa nun ye d'ellos -¿qué saben los probes?-, sinón de les males amistaes coles qu'anden, que-yos meten eses boles que vienen inventando y repitiendo (¿quiciabis rutiando?) los enemigos de la cultura popular asturiana y de lo asturiano, cuatro señoritos refalfiaos.

Tan estremaos ...tan parecios

¿Entovía creen dalgunos que lo d'Echanove y Imanol sobre'l prau qu'atrapa yera una broma inocente?

¿Un bilordín intrascendente? ¿Una chancia eutrapélica?

Convendría que conociésemos un poco d'historia y un migayín de la realidá.

P'acabar col tema d'Imanol Arias y Juan Echanove nel programa de la televisión pública "Un país para comérselo" sólo reflesionar como personaxes tan dispares y aparentemente estremaos, son identicos según pa que coses:

• Recordái a Juan Ramón Lucas na radiu pública (RNE)

• O les opiniones de Federico Jiménez Losantos que pongo EQUÍ abaxu:

Casa Cristina

A raíz de mi comentario sobre "la graciosada" que hicieron Imanol Arias y Juan Echanove en el programa de "Un país para comérselo" de TVE, muchos amigos me preguntan ¿dónde queda el restaurante de Cristina Buznego? para ir a comer el famoso arroz con leche.

Casa Cristina está en TEYEGO (en La Ribera), aunque según se puede ver de "refilón" en el programa aún sigue figurando en algunos carteles el erróneo TELLEGO de Ribera de Arriba, inclumpliendo la Ley 1/98 y el Decreto 128/2006, de 21 de diciembre de 2006 (se nota que 4 años del decreto y 12 años de la Ley no dan tiempo para nada).

Que lo disfruten.

Imanol y Echanove: males amistaes

Acabo de ver una rataína y a ratos el programa "Un país para comérselo", onde Imanol Arias y Juan Echanove paseen per España nun viaxe ente turísticu, paisaxísticu y gastronómicu.

Coyilos diendo pa casa Cristina Buznego a preba-y l'arroz con llechi, y ESCUCHEN LA BABAYADA:

Nel coche, según diben, diz-y ún al otru:

-¿A que no sabes cómo se dice en bable campo magnético?

-¿?

-"Prau qu'atrapa" (dicir diz: "prau qu'atrau").

Y claro, ríense los dos como dos fatos.

A Imanol Arias y a Juan Echanove vendría-yos bien cambiar d'amistaes. Tol mundu sabe que n'asturianu un campu magnéticu ye un "campu magnéticu", y que naide na vida dixo "prau qu'atrapa". "Prau qu'atrapa" ye una espresión qu'inventaren un grupu d'asturianos maliciosos pa conta-yoslo a los visitantes que son un poco fatinos, pa que tol mundu se ría d'ellos cuando lo repiten, porque, sobre ignorantes, queden como los tontos del pueblu (o como los foriatos tontos).

Siéntolo por ellos, por Imanol y Echanove. Y, pa otra, lo meyor que facíen yera camudar d'amistaes, y buscar otres a les que nun-yos guste reíse de los foriatos incautos pa ponelos en ridículu delantre de toa España.

[ACTUALIZACIÓN del 07/12/2010]: vidiu d'Echanove pidiendo disculpes