Xuan Xosé Sánchez Vicente: asturianista, profesor, político, escritor, poeta y ensayista. Articulista en la prensa asturiana, y tertuliano en los coloquios más democráticos. Biógrafo no autorizado de Abrilgüeyu
LA REMPUESTA, UN POCO EMBERRIACADA, UN DAQUÉ AFUMIADA Y UN MIGAYÍN MAL EDUCADA DE DON JUAN RAMÓN LUCAS
Agora resulta que l’ofendíu ye don Juan Ramón Lucas. Emberriacáu, afumiáu y de mal tonu.
[Si nun furrula bien el reproductor, pues dir: EQUÍ]
Lo primero, y como siempre en toes estes graciosaes como la que dio aniciu a esta cuestión, ye señalar que la causa del enfadu de los ciudadanos ye esi decir babayu como si fuese seriu. Esi atribuir un falaxe faltosu (o coloquial-pseudorural, solo ente faltón y de monólogu, en puridá) pa un decursu, pa un mensaxe, que debería producise n’estándar. Lo primero, digo, porque ¿faríen la mesma faltosada en catalán, en gallegu o n'euskera? ¿A que non? Pues ta desplicao too con ello: por qué s’enfaden los asturianos, por qué llamen al programa de don Juan Ramón protestando.
Por qué él nun entiende nada y por qué se siente ofendíu tien otra desplicación: ye complexa y ye de grupu o clase social. Pa facelo cenciello: petenez a lo que podíamos llamar el “señoritismu asturianu” (incluye asturianos y foriatos) y cree que la cultura asturiana ye roína, aldeana y val pa pocu. Si se mira pa ella, ye pa facer con ella chistes y graciosaes.
Otra cuestión, finalmente. Nin equí, nin nel PAS facemos inxamás “campañes”. Puede creéseme o non. Equí pon ensiertos el que quier y colo que se diz nel blog reacciona’l que quier. Y, al respective del PAS, si se sospecha d’ello –que nun tengo por qué pensar que nello piense don Juan Ramón-, pues pa mexar y nun char gota: ¡como si nun tuviéremos más que facer!
En tou casu, don Juan Ramón y los suyos deben camentar que, si les reacciones son espontánes, que lo son, daqué razón tendrán.
Y torno al principiu. ¿Fadríen esto col catalán, el gallegu, l’euskera, etc. en Radio Nacional? La respuesta ye non. Pues ehí ta tola cuestión. Si don Juan Ramón y los suyos nun lo ven, pues ye que nun fain más que confirmar el diagnósticu enriba espuestu y afalar, asina, l’enfadu de los asturianos que quieren a la so tierra d’una forma “normal”, esto ye, nun tomando la so identidá como materia de chancies degradadores.
Y, polo demás, a don Juan Ramón y al so equipu, un saludu; éxitos nel programa y, espero, nun volver a repetir coses que, pa munchos, son ufienses.
Con respecto a lo comentado ayer del programa de RNE, estas son las "peculiares" formas de presentar unas "presuntas" disculpas en el "filo de la inteligencia" (¿¿??):
Si no funciona bien el reproductor, puedes oirlo: AQUÍ
SITUACIÓN: Periodista de prestixu na Radiu pública española, n'horariu de másima audiencia (el presuntu asturianu, Juan Ramón Lucas nel programa "En Días Como Hoy" de 06:00 a 12:00 -de llunes a vienres- en Radiu Nacional d'España)
ENTRUGA:
¿sería posible esti "chiste" con otros ciudadanos del estáu español?
de producise'l presuntu chiste,
¿cómo seríen les reacciónes del gobiernu, partios políticos, medios de comunicación, ...? que representen a esos ciudadanos.
Si nun furrula bien el reproductor, pues dir: EQUÍ
