El blog de Xuan Xosé: Industria quier subir un 12,5% el recibu la enerxía

Yá saben: Industria quier subir un 12,5% la parte'l recibu la llume que regula'l Gobiernu. Esto ye, tres la conxelación de pensiones, la rebaxa d'un 8% del sueldu a los funcionarios, les subides continues la gasolina, el 3% d'inflación, la subida del IVA en dos puntos, la non deflactación del IRPF... y toes eses coses que los faen a vustedes más probes cada día, sobre too si tán en paru, agora vien el Gobiernu y quier subi-yos un 12,5% una parte'l recibu.

Recuerden qu'en xineru subiérenla un 9,8% y que, naquel momentu, aseguraren que nun diba subir yá más nel añu.

Y enriba de reíse de vustedes d'esa manera, ríense a gargayaes asegurando que, en realidá, nun va costa-yos más la enerxía, porque, como va baxar el coste real al baxar el costu les materies primes, asina nun van notar la subida.