El miércoles 7, víspera de la Santina, atopé en El Piles un par de miembros de la Sociedá Española d'Ornitoloxía, que taben faciendo'l seguimientu (pamidea dende dellos díes atrás) d'una garcilla cangrejera (ast. garcina cambarera; llat. Ardeola ralloides).
Según m'informen ye perraro ver exemplares d'esta especie tan al norte (por eso taben faciendo un seguimientu tan especial, talanto). Creen que ye un exemplar mozu faciendo lo que ye común en tantes especies, "caleyar pel mundu", enantes de reintegrase a la normalidá de la tribu. Destaca, además, del exemplar, que ye notablemente confíáu, casi, casi, paisaneru.
Además d'ofrece-yos a vustedes les semeyes del ave, aprovecho pa da-yos les gracies a les dos persones de la Sociedá Española d'Ornitoloxía poles sos informaciones.
No hay comentarios:
Publicar un comentario