Tenemos esta flor (una flor octopétala) en La Miñota. La planta ye una planta de munchu espoxigue y fueya, por entendemos, que tira más a la de les coles de caballu, formando una mata grande y con munchísimes flores, pero nun somos a saber qué planta ye.
Agradecemos collaboración y información.
1 comentario:
Precisamente esti fin de selmana pasáu fici unes fotos a un garrapiellu flores bien guapes y vistoses qu'había per Celoriu. Llamáronme l'atención polo colorides que yeren y lo bien paecíes que quedaben. Tengo dos semeyuques que fici col móvil y paécenme iguales a la que tu pones equí, coincide hasta'l matu d'onde sal, vamos, la planta entera. Les que vi yo yeren del color que pones equí (moradín gayaspero) y dalguna blanca tamién. Y como tu, tamién toi intrigáu por saber cuál ye'l nome, porque son perfectes p'adornar cualquier requexu d'un xardín. Préstame saber que nun soi l'únicu a la que nun-y paecieron desapercibíes, anque fuera en llugares diferentes. Qué coincidencia, ¿non? A ver di dalguién mos saca de la dulda. Saludos.
Publicar un comentario