N'homenaxe y memoria de José Manuel Feito (2)

Natural de Somiedo, párrocu de Miranda, honráu pola so feligresía y los sos amigos, bona persona y bon ciudadanu. Déxanos un enorme llabor cultural, de triba asturianista, en xeneral, pero non solo.

Semeya de Ricardo Solís, en La Nueva España

Traigo equí dos semeyes del llibru Xírigues, del que yo fui coordinador y onde se recoyíen toles xírigues asturianes, col so vocabulariu y la so torna al castellanu, asina como la so torna inversa, un estudiu sobre cada una d'eses xírigues y los sos usuarios. Completábase con una serie d'escritos y testos lliterarios en xírigues. El padre Feito, como ye natural, aportaba la so sabiduría sobre'l bron y, a medies, conmigo, sobre'l tixileiru. Alfonso Martín, Carlos Fernández y Félix Conde facíenlo sobre'l tamargu, Celina Pérez Melero sobre'l varbéu, la mesma Celina y yo, a comuña, encargábamosnos del ergue, y el tamién clérigu y yá fallecíu, estimáu párrocu de Ribesella, Eugenio Campandegui, del mansolea.

Sobre'l llibru y les xírigues ficimos dempués delles "xires", dalguna d'elles, naturalmente, en Miranda.