La primer bandera d'Asturies en Cangues d'Onís

Nun solo "inventamos" la bandera d'Asturies, emburriamos pa ponela. A les siete la tarde de septiembre de 2016 paseaba yo p'El Llano, en Xixón, y averóseme un paisanu que se me presentó. Llamábase Fernando y recordóme que m'ayudó a poner nes verxes del Ayuntamientu de Cangues la bandera d'Asturies que yo llevaba en coche, y que sacara pa colgala ellí, porque nin nel actu solemne de constitución del Consejo Regional de Asturies (10/11/1978) nin en toa Cangues había una sola bandera d'Asturies, lo que m'enllenó de vergoña. Semeyes del actu, la colgadura y la bandera. (Xuraría que la media cara qu'asoma na tercer semeya, a la derecha, ye la del periodista Rubén Norniella González).