Hai una bona noticia esta selmana: l`abaratamientu del euribor va suponer pa munches hipoteques una rebaxe de 4000 euros anuales. Ye una bona inyección de dineru pal bolsiellu los ciudadanos, especialmente útil p`aquellos que tengan problemes col empléu nestos momentos.Polo demás, seguimos cayendo, vamos yà pela metada del Urriellu cabeza abaxu, quédanos otru tantu por dar de focicos nel so suelu caliar y quién sabe si nun vamos seguir afondando dempués unos cuantos metros.
Dos datos negativos más (que tenemos qu`arreyar al crecimientu progresivu del desempléu) de recién: la tasa interanual de la economía española amenorga un 4,2% (un 1,1% trimestral), la peor caída dende que tenemos series estadístiques. El segundu, el turismu, amenorguen tolos parámetros: los ciudadanos d`otres nacionalidaes vinieren nun 10,3% menos, el turismu d`estranxeros n`España arruinzó nun 7,8%, el númeru de trabayadores afiliaos a la Seguridá Social nes faces d`hostelería y axencies de viaxe vieno a menos nun 3,2% pola caída del turismu.Y lo que vien agora va ser asina: cuando aporte septiembre nun va ser too maravioso (como diz la vieya canción), sinón que, nel sector d`axencies de viaxe, hostelería y negocios arreyaos va haber una enorme fana, con miles de desempleaos.
Y, mentantu, el Gobiernu, a seguir engañándonos, a despilfarrar y a nun querer gobernar. ¿Porque non pode? -como diz el canciu galegu-, ¿Porque nun sabe? ¿O é que lle faltan as habilidades?
No hay comentarios:
Publicar un comentario