Sporting de Xixón y otros

Col nuevu conveniu (dos millones d'euros) ente l'Ayuntamientu y el Sporting, les camisetes y los pantalones del club van llevar el nome non falsificáu de la ciudá "Xixón". Asinamesmo, tienen que facelo los filiales del Sporting y va usase l'asturianu nún de los marcadores d'El Molinón.

Pa una vegada que lo fain bien, vamos felicitalos, al Ayuntamientu, naturalmente.

Ye verdá que tardaren más de trenta años, dende la primer corporación democrática.

Ye verdá que-yos vagó doce años, dende la Llei d'Usu y Promoción del PAS.

Ye verdá que-yos costó un montón -la tira- casar la propaganda cola realidá a los d'IU.

Pero nun importa: vamos felicitalos por cumplir col so deber y col deber llegal.