Guantes, mascarilles, xeles y farmacies. Zuna y agradecimientos.
Ayer punxe tres ensiertos sucesivos entrugando en qué farmacies vendíen les mascarilles, guantes y xeles que nos recomendaben y a que nos obligaben. ¿Úles?, decía yo. La pregunta yera retórica. Yá sabía qu'una selmana enantes nun había nada de too ello nes farmacies.
Quería sorrayar con ello cómo tamos y la imprevisión del Gobiernu.
De toes formes, quiero dar les gracies a tolos amigos que me dieron conseyos sobre cómo desinfectase les manes y a dos concretos que me dieren datos sobre la esistencia en dos sitios de guantes, nún, y xel, n'otru.
Polo demás, hai una fantástica farmacia que, dicen, va tener too "nos prósimos díes".
Y esto ye pa la xente d'a pie. Piensen agora nel personal sanitariu (nos supermercaos veo que tienen toos guantes y mascarilles).
No hay comentarios:
Publicar un comentario