Sigue'l Chapugobiernu (Arcelor, Azsa y otros)
Previu al nocturnu decretu domingueru de paralización de la economía, circularen hasta cinco borradores de les actividaes económiques que diben seguir. Cuando salió'l decretu nocherniegu, les actividades industriales que nun tuviesen relacionaes colos servicios básicos quedaben paraes. D'esta manera llovieren les protestes d'Euskadi, Asturies y Galicia, que tienen grandes centros industriales. Dalgunos, que nun se puen parar.
Sorprendentemente na nueche d'ayer, el Gobiernu asturianu y la Delegación del Gobiernu n'Asturies sacaren una llista d'empreses que sí podíen seguir, pese a que nun taben nel Decretu.
Nel día de güei, nos medios de comunicación de Galicia y Euskadi seguíen mostrando l'enfadu y la esmolición del Gobiernu (PP y PNV) pol disparate que'l Decretu supón al respective la gran industria.
A media tarde, apaeció la ministra Nadia Calviño pa manifestar que "no pueden parar procesos industriales que después no pueden después iniciarse", lo que paez que vien sofitar la decisión del Gobiernu asturianu y la Delegación del Gobiernu central n'Asturies.
¿Fiaránse les empreses? ¿Qué seguridá xurídica ye esta? ¿Nun podíen facelo bien el domingu pela nueche? ¿Nun puen sacar agora una rectificación precisa?
PS. Toi viendo agora mesmo na tele (18,20) un montón de xente y d'empreses que nun saben si tienen que parar o non.
No hay comentarios:
Publicar un comentario