Ayer, cuando vi la llista d'actividaes industriales a les qu'el Gobiernu asturianu y la Delegación del gobiernu "daben como buenes" pa seguir funcionando, quedé ablucáu. Esa llista tuviera enxerta en delles filtraciones de les actividaes permitíes nel Decretu de "ultracierre" de l'actividá económica, pero llueu esapaeció.
A mí estrañóme muncho que se decidieren a "interpretar" el Decretu, esto ye, a reescribilu; y tamién a munches d'eses empreses, que nun acababen de fiase.
Na mañana y parte la tarde del día d'ayer Galicia y Euskadi, que teníen fecho una petición asemeyada a la de lo que'l gobiernu asturianu decidió taben ablucaes y envidioses, y nun sabíen que facer.
Aunque la cosa nun queda clara xurídicamente, la intervención posterior de la ministra Nadia Calviño vieno afitar la postura del Gobiernu asturianu con calter xeneral pa España. (¡En fin, coses del Chapugobiernu!).
Nun sé si'l Gobiernu y la Delegación actuaren de per sí (estráñame), si reclamaren al Gobiernu central y esti dio-yos el vistu buenu o cómo fue, pero, como quiera, hai que da-yos un aplausu pola so presión y la so decisión.
Y, en xeneral, n'otres coses, nun lo tán faciendo mal.
No hay comentarios:
Publicar un comentario