A lo meyor yá lo olvidaron, pero'l 23 de marzu, sí fai tan poco, apaecíen estos titulares na prensa: "El Ejército encuentra ancianos en residencias conviviendo con cadáveres". Y la ministra Margarita Robles, considerada uno de los pocos ministros serios del Gobiernu corría a contalo en rueda prensa.
La mio primer reacción fue de rechazu. Non al fechu en sí, sinón al fechu de contalo. Parecíame indecente y escandaloso sopelexalo. Si había daqué delitu, a la xusticia, pero en silenciu, ensin ximielgalo, ¿pa qué esfrega-y esa cosa tan morbosa a la población pel focicu? ¿Con qué oxetivu? ¿Pa meyorar qué? ¿Pa tranquilizar a quién? De toes maneres, a mi la información estrañábame. ¿Cuántu tiempu llevaben ellí aquellos cadáveres? ¿Hores, díes, selmanes? ¿Cómo yera posible? ¿Nun había cuidadores neses residencies? ¿Convivíen en silenciu colos cadáveres? ¿Los responsables o propietarios de les residencies teníense fugao y dexao ellí vivos y muertos?
La segunda reacción mía fue d'estrañeza: ¡qué raro! Too pue ser, pero qué raro.
Al día siguiente ficiéron-y al Xefe Superior de la Defensa una pregunta al respective na rueda prensa, entrugándo-y detalles. Nun respondió. Si ustedes conocen un momentu más afayaízu pa emplegar la pallabra "rocea" o "mosquéu", ehí tienen un.
Pasaren los díes y d'aquello nun hai nada. Lo que parez ser ye que sí efectivamente había cadáveres, pero nun ocurrió otro que'l que los servicios funerarios tardaren n'acudir, dada la situación en Madrid d'atascu funerariu.
A lo meyor ye que les residencies yeren privaes.
¡Qué escándalu! El nun informase bien, y el sopelexar una situación asina, en cualquier casu, hubiere delitu o non.
No hay comentarios:
Publicar un comentario