Ministru bombilleru (digo, de Industria, Sebastián): "Los españoles deben enfotase nos productos y servicios españoles: envede dir a esquiar a Los Alpes, a Sierra Nevada. Al día siguiente, don José Luis (el que va zapateru pa Noreña polos pronósticos acertaos: ningún) diz, mientres se ximielga como un ramascu sopelexáu por una galerna cantábrica (alviertan qu'últimamente el señor Zapatero muévese como un azogáu, como un poseíu pol baille de San Vitu, como si tuviere la tremesina), diz, repito, mientres se ríe con una risa floxa: ¡Sí, sí, h.a, h.a, yo tamién prefiero los productos españoles, yo apúnteme siempre a los ibéricos!
Reflesión: ¡Pero estos [censurao] qué coño creen que ye'l mundu? ¿Cuálos creen que son los sueldos de la xente? COMO SE VE, VIENEN CONFIRMANOS, UNA VEGADA MÁS, QUE LA "S" DE PSOE YE LA "S" DE "SEÑORITOS".
Y un segundu camientu, más importante entá. los que los voten ¿a quién coño creen que voten? ¿A unos como ellos? ¿A otros sufridores asalariaos, paraos o proletarios?
Otru día vamos describir equí la estampa de un directivu/votante típicu del PSOE y de IU.
(Nota la semeya del ministru ta coyía d'El País.)
3 comentarios:
Yo creo que tan alloquecios. Nun se entiende que digan les tonteries que dicen ca vez que abren la boca.
Si los trabayos na última década, el 90% del empleu creau fue de sueldos de menos 1000€, y to la economía rodaba a base de credito, agora que la xente nun tien ni esos malditos 1000€ ni el créditu, de onde lo van sacar pa gastalo?
Nun se entiende...nun lo entiendo redios
Hay que restregase bien los güeyos y desentrancar les oreyes pa ver y escuchar bien toes estes babayaes y coses fatues de Sebastian and company.
Siempre tan tracamundiando a la opinión pública, primero que si la aldea global y ahora que no, que hay que mercar solo lo nacional.
Lo meyor ye no faceyos ni casu.
Publicar un comentario